Flugferð til Montana

Flugmennirnir Baldur og Eysteinn lögðu upp í ferð á TF-EGG sem er af gerðinni Piper Apache. Vélin var seld til Panama en hún fer fyrst til Montana þar sem vélin verður tekin í gegn og betrumbætt.

 Vélin er í eigu flugklúbbsins Lágflugs og hefur hún reynst klúbbnum mjög vel en okkur barst mjög áhugasamur kaupandi svo ákveðið var að skella sér á þetta tækifæri og munum við kaupa inn aðra tveggja hreyfla vél inn í félagið.

 Þeir áætla að blogga ferðina sína ásamt því að skella inn myndum af ferðinni.

 Þeir lögðu af stað í gær frá Reykjavík og gistu á Ísafirði í nótt. Í dag héldu þeir svo til Kulusuk og munu vera þar fram á mánudag þar sem flugvellirnir í Grænlandi eru lokaðir á sunnudögum. Þeir munu skella inn myndum af leiðinni hingað inn við fyrsta tækifæri.

Áætlaðir heildarflugtímar eru um 30-40klst og mun því þessi ferð taka nokkra daga.

 Hvetjum alla flugmenn og flugáhugamenn til að fylgjast með för þeirra og ævintýri á leið sinni til Montana